Xa siwuqwela siwuqongqotha unyaka ka 2022, singu UMhlobo Wenene FM sibamba ngaz’ibini kubaPhulaphuli beli jelo losasazo, ngokuthi babe ngabahlobo abathembekileyo nokuhlala njalo bephula-phula iinkqubo zethu eziqulunqwa ngenjongo yokwazisa, ukufundisa nokonwabisa bona.
Kulo nyaka siwusongayo, maninzi kakhulu amaphulo abeyi mpumelelo asincumisa sileli jelo, ndizakubalula nje aphambili:
Iphulo lethu lokuqala kulo nyaka siwusongayo ka 2022 elibe yimpumelelo kakhulu ibiyi Female Talent Search, ebikhatshwa libhaso eliyi R300, 000.
Siye saphinda ke sano khuphiswano lwemoto obeluyinxalenye yemisitho yokubhiyozela umhla wokuzalwa kwesikhululo. Kaloku esi sikhululo besibhiyozela iminyaka engamashumi amathandathu anesibini(62) sisasaza.
Asiphelelanga ke apho, sithe savula ithuba lemisebenzi ngokuthi siqeshe ababhali, abadlali bamabali kwakunye nabadidiyeli abathe baphumelela kukhuphiswano lwethu lokuqala lwe Drama (Drama Competition).
Owona mhla wandenza ndibe nebhongo neqhayiya (ndizingce) ngokukhokela esi sikhululo sosasazo nabasebenzi baso ngakumbi, ku mhla Ndasimela Kwi Radio Awards, apho sasichongwe ngokubalasela kwi nkqubo ezingamashumi amabini (20). Kaloku UMhlobo Wenene ubalasele ngokonwabisa, ukwazisa nokuphuhlisa ulwimi lwesiXhosa ngebali lawo “Ithini nale nto?”
Yonke ke le mpumelelo ibingasokuze yenzeke ukuba besingafumani nkxaso kuba phula-phuli bethu.
Sileli jelo losasazo elingu ngqa phambili sinqwenelela abaphulaphuli bethu, abathengi beeNkonzo (clients), abaxhasi esisebenzisana nabo (stakeholders) kunye nabaphathi be SABC unyaka ka 2023 one mpumelelo noyokozela amathamsanqa, uxolo, uthando nolonwabo. Kwabo bebenonyaka ongemnandanga ogutyungelwe yimiceli mngeni ku 2022, ningalahli mbeleko ngakufelwa ntozakuthi, jongani phambili nithe ga isifuba, ninethemba lokuba iingxaki neenzingo ayikokuphela kobom, kuninzi okuhle okusezayo, kwaye nikhumbule ukuba kuqala kubemnyama xa kuza kukhanya .
Ndifuna ukuniqinisekisa ukuba singuMhlobo Wenene FM, sakuhlala sinani ngamaxesha onke nakuzo zonke izigaba zobomi benu.
UnoMhlobo Mhlobo!
